Եթե տարիներ անց սերունդներն ուսումնասիրեն ՀՀ վարչապետի պաշտոնում Տիգրան Սարգսյանի գործունեությունը, կեզրակացնեն, որ ամենալավ նա «աշխատել» է օրացույցի հետ` մեռելոցներ է սահմանել, աշխատանքային օրերի տեղափոխություններ կատարել, տոնացույցը ամենայն բարեխղճությամբ պահպանել ու պրոպագանդել: Ասենք, Ամանորին 10-օրյա հանգիստը նրա օրոք է հիմնվել: Հիմա էլ որոշել է, որ հայ կանայք արժանի են մարտի 8-ի կապակցությամբ չորս օր հանգստանալու նվերին. մարտի 7-ը հայտարարել է ոչ աշխատանքային, քանի որ մարտի 8-ը երեքշաբթի է: Իսկ 7-ի փոխարեն կաշխատեն շաբաթ օրը: