Երեկ սողանքի վայրում  Աշոտ Միրզոյանը, ում  72-ամյա հորեղբայրը Լճկաձոր գյուղի բնակիչ Նորիկ Միրզոյանը հոկտեմբերի 2-ին տեղի ունեցած սողանքի տակ է մնացել, տուժածների  որոնողական  անարդյունավետ աշխատանքի համար «Հետքի» ներկայությամբ իր  դժգոհությունը հայտնեց և  որոնողական աշխատանքների հետ կապված  հարցեր ուղղեց  ՀՀ արտակարգ իրավիճակների նախարար  Արմեն Երիցյանին

Ա. Մ.: Ես հարազատ եմ կորցրել, այս 3 օր է` սողանքի վայրում եմ գտնվում: Ես  չեմ տեսնում, որ այստեղ որևէ տեխնիկա է մոտենում:  Մենք  չենք գտնում մեր հարազատին:  Ես տեսնում եմ, որ այստեղ լուրջ տեխնիկա է պետք:

Ա. Երիցյան: Տեխնիկա չի կարող մոտենալ: Ես Ձեզ ասեմ, ինչի համար ես թույլ չեմ տալիս այս պահին, որ տեխնիկա մոտենա սողանքին, որովհետև ծանր տեխնիկայի աշխատելու ժամանակ ողջ եղած մարդկանց կարող է սպանել:

Ա.Մ.: Հողի տակ մնացած մարդը արդեն ողջ չի:

Ա. Երիցյան: Չենք կարող ասել: Եկեք, բնականաբար, չասենք, որովհետև եղել  են դեպքեր, որ քարերի արանքին են մնացել, մեքենայի մեջ են մնացել և տարբեր տեղերից օդ է եղել, և մարդիկ մի քանի օր ողջ են մնացել: Հիմա ես նաև զինվորներին եմ խնդրել` 100 հոգի զնինվորական են գալիս: Մենք դեռ ձեռքով ենք աշխատում, փորձում ենք ձեռքով գտնել կորածներին, եթե մահացած եղան, ծանր տեխնիկան կհանենք, բայց ես չեմ ուզում դեռ անցնել դրան:

Ա.Մ.:  Կորուստներ ունեցողներս, այնտեղ երևանցիներ էլ կան, բոլորս մտածում ենք, որ պետք է տեխնիկա, որ այս մեծ բեռնատարները քաշի, տարածքը մաքրվի, որ կարողանանք սողանից տուժածներին  գտնել:

Ա.Երիցյան: Հիմա որ ես տրակտորը գցեցի ու այ այնտեղից փլվածքը իջավ, ի՞նչ ենք անելու: Տեխնիկան, որ աշխատեց սողանքը, վերևից իջնելու է, էտենց չի լինի:

Ամեն ինչ թողել եմ, եկել եմ: ՀՀ պաշտպանության նախարարությունից ուղղաթիռ եմ խնդրել, բերել ենք, որ ավտոմեքենաները հատ-հատ հանենք:  Փոքրերը պետք է հանենք, հիմա ծանր տեխնիկա բերե՞նք: Ինչի՞ երեկ չենք բերել, որովհետև սողանքը գործում է, ծանր տեխնիկան մի քիչ էլ աշխատեց, ոնց որ  սարը եղավ, նույն էլ այ այս  սողանքը կհոսի: Մենք  պետք է մի քիչ խելացի մոտենանք:  Ես Ձեր վիճակի մեջ մտնում են:

Ա.Մ.: Ողղակի մյուս կողմից ճանապարհ կա, կարելի է այդ ճանապարհից բեռնատարները քաշել և հանել:

Ա.Երիցյան: Ես խնդրում եմ, գնանք ու ցույց տվեք, ո՞նց կարելի է այդ բեռնատարները հանել:  Տրակտոր, որ գցեցի, այ այնտեղից  սողանքը իջավ, ի՞նչ ենք անելու: Բայց տեխնիկան, որ աշխատեց  սողանքը այն վերևից իջնելու է,  հո տենց չի:

Ա.Մ.: Բեռնատարները պետք է հանվի, կարող է մարդիկ հենց այդ  բեռնատարների արանքում են:

Ա. Երիցյան:  Բեռնատարները հիմա հանեք, դուք եք իմ տեղը, հանեք: Չէ, ախր գիտե՞ք ինչի, ի տարբերություն Ձեզ, ես պետք է մտածեմ նաև անձնակազմի մասին: Բա որ հիմա հանելուց սողանքը իջա՞վ: Դրա համար հիմա մեր համապատասխան մասնագետները նայում են գրունտի ամրությունը, որ գրունտի ամրությունից ելնելով   մենք կարողանանք գործել: Հիմա արդեն գալիս է ծանր տեխնիկան, երեկ չէինք կարող, որովհետև երեկ սողանքը իջնում էր: Երեկ մի քանի անգամ իջավ, ես չգիտեմ դուք նկատե՞լ եք, թե՞ ոչ:  Երեկ մի քանի անgամ սողանքը իջավ, նորից վերևից թափվեցին քարերը:  Հիմա մենք կփորձենք այս առաջինը հանել` կամաց-կամաց հանելով առաջ գնալ:

Ա.Մ.: Բայց դրան զուգահեռ տեխնիկան պետք է մոտենա: Գոնե վաղը տեխնիկան կաշխատի՞:

Ա. Երիցյան: Կաշխատի, որովհետև արդեն մինչև վաղը, մենք եզրակացությունը  կունենանք, տեղանքը շատ ծանր ա: Հիմա կարող է, որ տեխնիկան եկավ,  այս բեռնատարը քաշելիս  հողը ամբողջությամբ իջնի: Պրոբլեմատիկ տեղ է: