Երեկ ՀՀ գլխավոր դատախազ Աղվան Հովսեփյանն ընդունել է ԵԱՀԿ երևանյան գրասենյակի ղեկավար, դեսպան Սերգեյ Կապինոսին: Ի թիվս այլ հարցերի` հանդիպման ժամանակ անդրադարձ է եղել նաև ՀՀ գլխավոր դատախազության պետական շահերի պաշտպանության վարչությունում պաշտոնատար անձ չհանդիսացող, հանրային ծառայող Տ.Փոստանջյանի կողմից ապօրինի վարձատրություն ստանալու դեպքի առթիվ հարուցված քրեական գործի որոշ հանգամանքներին: ՀՀ գլխավոր դատախազը դեսպան Ս.Կապինոսին հանգամանորեն ներկայացրել է քրեական գործի հարուցման, քրեական գործի նախաքննությունը ՀՀ ԿԱ ԱԱԾ վարույթ հանձնելու, խափանման միջոցի ընտրության քրեաիրավական հիմքերը: Աղվան Հովսեփյանը նշել է, որ հանցավորության դեմ պայքարում ընդհանրապես և մասնավորապես սույն քրեական գործով նախաքննությունն ընթանում է դատախազության ձևավորված միասնական քրեական քաղաքականության և կոռուպցիայի դեմ պայքարի շրջանակներում: Այս մասին հայտնում է գլխավոր դատախազության կայքը: