Մարդու իրավունքների պաշտպանի թեկնածու Կարեն Անդրեասյանի գաղտնի ընտրությանը այսօր ԱԺ-ում մասնակցել է 97 պատգամավոր, կողմ է քվեարկվել` 83-ը, դեմ` 13-ը, անվավեր է ճանաչվել 1 քվեարթերթիկ: Արդյունքների հրապարակումից հետո Կ. Անդրեասյանը երդվեց, որ իր լիազորությունները կկատարի անաչառ եւ կլինի օբյեկտիվ: Իսկ ԱԺ նախագահ Հովիկ Աբրահամյանը, շնորհավորելով նոր պաշտպանին, ասաց, որ նրանից ակնկալում է պաշտպանի անվանը հարիր գործունեության ծավալում: Երդում տալուց հետո նոր ՄԻՊ-ը չմնաց ԱԺ-ում եւ չհանդիպեց լրագրողներին: