Այսօր` ժամը 11:10-ի սահմանում, ղարաբաղաադրբեջանական հակամարտ զորքերի շփման գծի հյուսիսարևելյան (Ջրաբերդի) ուղղությամբ տեղակայված դիրքերից մեկում հակառակորդի արձակած գնդակից թեթև հրազենային վիրավորում է ստացել ԼՂՀ ՊԲ ժամկետային զինծառայող, 1991թ. ծնված Հովհաննես Աշոտի Ավդալյանը: Դեպքից անմիջապես հետո վիրավորը տեղափոխվել է զինվորական հոսպիտալ: ԼՂՀ ՊԲ լրատվության և քարոզչության բաժինը տեղեկացնում է, որ միջադեպի մանրամասները պարզելու համար տարվում է քննություն: