HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Ոսկան Սարգսյան

Անհետ կորածներին կենդանի գտնելու հույս գրեթե չկա

Այսօր Այրում քաղաքի մոտ՝ սողանքի վայրում, որոնողափրկարարական աշխատանքները շարունակվում էին: Դրանց մասնակցում էին Տավուշի, Լոռու, Գեղարքունիքի, Արագածոտնի մարզերի փրկարարներ, նաեւ Նոյեմբերյանի  սահմանապահ զորամասի 62 զինվորներ:

Արտակարգ իրավիճակների նախարարության Փրկարար ծառայության փոխտնօրեն Վրեժ Գաբրիելյանը հայտնեց, որ երեկ զինվորական ուղղաթիռի եւ երկաթուղային «Կռունկի» միջոցով սողանքի վայրից տարհանվել է 9 մարդատար մեքենա եւ 1 «Ֆուռ», իսկ այսօր` 2 «ֆուռ» եւ 1 «Կռունկ»:

Աշխատանքները շարունակվում էին, եւ տարհանվող մեքենաների թիվը պիտի աճեր: Իսկ անհետ կորածների հարազատներին իրենց կորուստն է մտահոգում: Անհետ կորած, Լճկաձոր գյուղի 72-ամյա բնակիչ Նորիկ Միրզոյանի տղան` Վիգենը, Ռուսաստանում լսելով դեպքի մասին, շտապ վերադարձել էր: Նա դժգոհ էր որոնողական աշխատանքների դանդաղ ընթացքից ու այն հանգամանքից, որ «փրկարարները հիմնականում մեքենաների տարհանմամբ են զբաղված»:

Ակնհայտ է, որ 5 անհետ կորածին կենդանի գտնելու հույս գրեթե չկա: Նրանց ընդհանրապես գտնելն էլ հեշտ չի լինի, քանի որ գահավիժած հողի եւ քարի զանգվածը մեծ է:

Փլուզման գոտում միջպետական ճանապարհի վերականգնումն էլ երկար ժամանակ եւ շատ ծախս էպահանջելու: Սողանքի գոտու սկզբին կապավորները վերակագնում էին Հայաստան մտնող ինտերնետային կապի լարերը:

Պետավտոտեսուչները փակել են մեքենանների մուտքը սողանքի գոտի: Մարդատար մեքենաները երթեւեկում են փլված սարի վերեւի հատվածով՝ հին, խճապատ  ճանապարհով: Խոշոր բեռնատարներն էլ երթեւեկում են Նոյեմբերյան-Իջեւան ճանապարհով:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter