3 հոգի դեռ հիվանդանոցում են Այսօր՝ ժամը 7:40-ի սահմաններում, Վայոց ձորում՝ Արենի-Եղեգնաձոր ավտոճանապարհի 8-րդ կիլոմետրում, տեղի է ունե­ցել ավտոպատահար: Դեռևս չպարզված հանգամանքներում «ՎԱԶ-21214» մակնիշի ավտոմեքենան դուրս է եկել ճանապարհի երթևեկելի հատվածից և շրջվել ձորը: Տարբեր աստիճանի մարմնա­կան վնասվածքներով Եղեգնաձոր քաղաքի հիվանդանոց են տեղափոխվել մեքենայի վարորդը՝ 1989թ.-ին ծնված Սերյոժա Սիմոն­յանը, ուղևորներ՝ 1990թ.-ին ծնված Էդգար Սարգսյանը, 1989թ.-ին ծնված Արտյոմ Մինասյանը և 1988թ.-ին ծնված Մուշեղ Սաղաթելյանը: «Մ. Սաղաթելյանը, ստանալով առաջին բուժօգնություն, հիվանդանոցից դուրս է գրվել: Մյուս տուժածների առողջական վիճակը գնահատվել է բավարար»,- հաղորդում են Արտակարգ ալիք լրատվական կենտրոնից: