Այսօր Նիդերլանդների Թագավորությունում ՀՀ դեսպան Ձյունիկ Աղաջանյանն իր հավատարմագրերը հանձնեց Նիդերլանդների թագուհի Բեատրիքսին: Արարողությունից հետո թագուհի Բեատրիքսի և ՀՀ դեսպանի միջև տեղի ունեցավ առանձնազրույց, որի ժամանակ անդրադարձ կատարվեց հայ-հոլանդական հարաբերություններին ու տարածաշրջանային խնդիրներին: Հավատարմագրի հանձնման կապակցությամբ ՀՀ դեսպանությունում կազմակերպվեց ընդունելություն, որի ժամանակ Ալմելոյի սբ. Գրիգոր Լուսավորիչ եկեղեցու քահանա Խաչիկ Ֆրանգյանը կատարեց ՀՀ նորաբաց դեսպանատան օծման կարգ: Այս մասին հայտնում է ՀՀ արտգործնախարարության Մամուլի, տեղեկատվության և հասարակայնության հետ կապի վարչությունը: