Տեսանյութեր
Լուսանկարներ
Վթար մետրոյում. երթևեկությունն իրականացվում է մեկ ուղղությամբ
Մոտ 30 րոպե առաջ Երևանի մետրոպոլիտենի գնացքը մնացել է թունելում, և երթևեկությունը ժամանակավոր դադարեցվել է: «Հետքին» հակասական տեղեկություններ հայտնեցին այն մասին, թե արդյոք վագոնում ուղևորներ եղե՞լ են: Հանրապետության հրապարակ կայարանի աշխատակիցն ասաց, որ վագոնում ուղևորներ եղել են, մինչդեռ նույն կայարանում հերթապահություն իրականացնող ոստիկանի պնդմամբ` խափանված գնացքում ուղևորներ չկան:
Վերջինս նշեց, որ վթարից քիչ անց սկսվել են վթարավերականգնողական աշխատանքները, և այս պահին մետրոպոլիտենում աշխատում է միայն մեկ գնացք մեկ ուղղությամբ, ինչն էլ ուշացումների և ուղևորների կուտակումների պատճառ է դարձել:
Հանրապետության հրապարակ կայարանում ժետոնների վաճառքը վերսկսվել է մի քանի րոպե առաջ: Մինչ այդ հավաքված ուղևորների մեծ մասը հետ էր պահանջում վճարած գումարը և աղմկում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել