Մի քանի ժամ առաջ՝ երեկ երեկոյան, մահացել է ՀՀ ժողովրդական արտիստ Վանուշ Խանամիրյանը: 

Հայ պարարվեստի 84-ամյա լեգենդն այս տարվա ամառվանից սկսած ունեցել է սրտանոթային համակարգի խնդիրներ եւ անցել բուժման կուրսեր:

Վանուշ Խանամիրյանը մեծ եւ նշանակալի դեր է ունեցել հայ պարարվեստի զարգացման պատմության ընթացքում`երկար տարիներ լինելով Պարի պետական համույթի գեղարվեստական ղեկավարը, Հայաստանի պարային արվեստների գործիչների միության նախագահը:

«Հետքի» խմբագրությունն իր ցավակցությունն է հայտնում Վանուշ Խանամիրյանի հարազատներին եւ բարեկամներին: