Անթալիայում ավարտվել է ձյուդոյի պատանիների Եվրոպայի գավաթի 1-ին օրը: Հաջող մասնակցեց 50 կգ քաշային կարգում հանդես եկող հրազդանցի Վահագն Հովսեփյանը, 4 գոտեմարտ անընդմեջ հաղթելուց հետո դուրս եկավ եզրափակիչ և մաքուր հաղթանակ տոնեց ադրբեջանցի մարզիկի նկատմամբ: Այս քաշային կարգում երկու 3-րդ տեղի մրցանակակիրները նույնպես ադրբեջանցիներ էին: «Այսպիսով, ձյուդոյի պատանիների գավաթի 1-ին օրը բարձրացվեց հայկական դրոշը և հնչեց մեր պետական օրհներգը»,- Անթալիայից փոխանցում է ՀՁՖ փոխնախագահ Դավիթ Մխիթարյանը: Աղջիկներից Քնարիկ Ստամբոլցյանը գրավել է 5-րդ մրցանակային տեղը: Վաղը գոտեմարտելու են 66, 73,  81,90 և +90 կգ քաշային կարգի ձյուդոիստները: