2011թ. մարտի 20-ին տեղի ունեցող` Արմավիր քաղաքի համայնքի ղեկավարի ընտրությունների ընթացքում տեղամասային ընտրական հանձնաժողովների մեծամասնությունը, առանց որևէ հիմնավոր պատճառաբանությունների, համայնքի ղեկավարի թեկնածու Սևակ Մինասյանի վստահված անձանց չեն թույլատրում տեսանկարահանել ընտրությունների ընթացքը: Ավելին, խախտելով ընտրատեղամասում գտնվելու նրանց իրավունքը, դուրս են հրավիրում ընտրատեղամասից: Վստահված անձինք որոշ ընտրական տեղամասերում (թիվ 21/01, թիվ 21/08, 21/13) պահանջել են, որպեսզի տեսանկարահանումը չթույլատրելու /տեղամասից դուրս հրավիրելու/ վերաբերյալ կազմվեն համապատասխան արձանագրություններ: Խնդրի լուծման նպատակով Սևակ Մինասյանը պատրաստվում է տեղամասային ընտրական հանձնաժողովների գործողություն¬ները բողոքարկել դատական կարգով: