Վերջին շրջանում աղմուկ հանած պատմություններից մեկը Արարատյան թեմի առաջնորդ Նավասարդ Կճոյանի «Բենթլիի» պատմությունն էր. վերջինս անհայտ պայմաններում, անհայտ անձի կողմից նվեր էր ստացել այդ թանկարժեք մեքենան: Քանի որ Կճոյանի անձի հանդեպ նման հետաքրքրություն կա, մենք որոշեցինք տպագրել նրա մտերիմ ընկերներից մեկի պատմածը: Մի առիթով ընկերները նրանից հետաքրքրվել են հոգեւորականների ամուսնությունների, կանանց նկատմամբ վերաբերմունքի, կուսակրոնության ավանդույթի վերաբերյալ: Հայտնի հոգեւորականը  շատ օրիգինալ բացատրություն է տվել: Նա ասել է, որ, ճիշտ է, բարձրաստիճան հոգեւորականներին արգելված է ամուսնանալ, բայց ոչ Աստվածաշնչում, ոչ մյուս հոգեւոր գրքերում բառ անգամ չկա այն մասին, որ հոգեւարականը չպետք է սեռական հարաբերությունների մեջ մտնի կանանց հետ, չպետք է սիրի, ցանկանա ու տիրանա կնոջը: Նա հայտարարել է, որ կարող են տող առ տող կարդալ իր նշած գրականությունը եւ նման արգելք չեն հայտնաբերի, ուստի եւ ինքը, եւ մյուս հոգեւորականներն օգտվում են կյանքի բոլոր բարիքներից: