«Ես կուզենայի, որ Լեւոն Տեր-Պետրոսյանի եւ Րաֆֆի Հովհաննիսյանի հեռակա բանավեճը չծավալվեր աստվածաբանական, եկեղեցական սկզբունքների շուրջ: Դա երկուսին էլ պատիվ չի բերում, որովհետեւ ես իրենց առաջին հերթին վերաբերվում եմ որպես երկրի առաջին նախագահի եւ առաջին արտգործնախարարի, եւ կուզեի, որ նրանց թեկուզ հեռակա շփումը կամ դիմակայությունը քաղաքական ձեւակերպումների շուրջ լիներ: Հոգեւոր կատեգորիաների շուրջ մեկնաբանություններ կուզենայի լսել հոգեւորականներից: Քաղաքական չէ ոչ Րաֆֆի Հովհաննիսյանի հացադուլը, ոչ Լեւոն Տեր-Պետրոսյանի մեկնաբանությունը»,- «Առավոտին» ասաց քաղաքագետ Սուրեն Սուրենյանցը: