Երեկ Ճանապարհային ոստիկանության պետ Մարգար Օհանյանն իր մոտ է հրավիրել Երևանի ճանապարհային ոստիկանության պետ Արսեն Արշակյանին և առաջարկել է աշխատանքից ազատման դիմում գրել: Առաջարկն անսպասելի է եղել Արշակյանի համար: Նրան անգամ չեն բացատրել, թե ինչն է այդ որոշման պատճառը: Երեկ, չնայած ոստիկանության լրատվականից ասացին, թե դեռևս հրաման չկա, սակայն ուշ երեկոյան տեղեկացանք, որ Արշակյանն արդեն անցել է կադրերի տրամադրության տակ: