Մարտի 28-30-ը Երևանի Կոմիտասի անվան պետական կոնսերվատորիայի համերգասրահում անցկացվում է «Եվրոպական դաշնամուր» ծրագրի երկրորդ փուլը: Ծրագրի ընթացքում նախատեսվում են վարպետության դասեր, որոնց արդյունքում ծրագրի համակարգող, դաշնակահարուհի Դանիել Լավալը կընտրի այս տարվա նոյեմբերին Ֆրանսիայում անցկացվելիք դաշնակահարների միջազգային մրցույթի հայաստանյան երկու մասնակցի: Վաղը` ժամը 18:00-ին, Երևանի Կոմիտասի անվան պետական կոնսերվատորիայի համերգասրահում տեղի կունենա դասական երաժշտության համերգ` «Եվրոպական դաշնամուր» ծրագրում ընդգրկված պատանի երաժիշտ-կատարողների մասնակցությամբ: ՀՀ մշակույթի նախարարության կայքը հայտնում է, որ «Եվրոպական դաշնամուր» ծրագիրը Հայաստանում իրականացնում է Եվրամիությունը: