Մարտի 29-ին` ժամը 14.10-ին, մի քաղաքացի զանգահարել է ոստիկանության Չարբախի բաժանմունք և հայտնել, որ ինքը կենտրոնական զինհավաքակայանի մոտ` կամրջի սյան տակ,  զինամթերք է թողել: Մեկնած օպերատիվ խումբը նշված վայրում հայտնաբերել է «ՏՕԶ-18» տիպի 5,6 մմ տրամաչափի հրացան` դատարկ պահունակով, ինքնաձիգի 5,45 մմ տրամաչափի` 26, 7,62 մմ տրամաչափի`  29, «Կարաբին» հրացանի 7,62 մմ տրամաչափի 17 փամփուշտ, 1 ական և 1 պայթուցիչ: Հայտնաբերվածն ուղարկվել է փորձաքննության: Կատարվում է հետաքննություն:

Նույն օրը` ժամը 12.00-ին,  մի քաղաքացի զանգահարել է ոստիկանության  Շենգավիթի բաժին և հայտնել, որ գաջի գործարան տանող ճանապարհին, կենտրոնական գերեզմանոցի պատի տակ,  պոլիէթիլենային տոպրակի մեջ ինքնաձիգ է թողնում: Մեկնած օպերատիվ խումբը նշված վայրում հայտնաբերել է «ԱԿ-74» ինքնաձիգ՝ պահունակով, և տարբեր տրամաչափի 82 փամփուշտ:

Հայտնաբերվածն ուղարկվել է փորձաքննության: Կատարվում է հետաքննություն:

Կրկին մարտի 29-ին` ժամը 12.00-ին, 41-ամյա  Սիմոն Գ.-ն ներկայացել է ոստիկանության Մարտունու բաժին և հանձնել ինքնաձիգի 5,45 մմ տրամաչափի` 51, 7,62 մմ տրամաչափի` 42, 7,62 մմ տրամաչափի գնդացրի` 11 և խոշոր տրամաչափի 2 փամփուշտ: Զինամթերքն ուղարկվել է փորձաքննության:

Երեկ` ժամը 21.35-ին, մի  քաղաքացի զանգահարել է Երևան քաղաքի վարչության հերթապահ մաս և հայտնել, որ Մալաթիայի «Հայորդաց տուն» տանող ճանապարհի մոտ ատրճանակ է թողնում: Մեկնած օպերատիվ խումբը նշված վայրում հայտնաբերել է կոռոզիայի ենթարկված ինքնաշեն թմբուկավոր ատրճանակ` առանց փամփուշտների: Հայտնաբերվածն ուղարկվել է փորձաքննության: Կատարվում է հետաքննութուն:

Մարտի 29-ին` ժամը 20.15-ին, մի քաղաքացի զանգահարել է ոստիկանության Արարատի բաժին և հայտնել, որ  զենք-զինամթերք է թողնում Կոմիտասի փողոցի սկզբնամասում գտնվող աղբանոցի պատի տակ: Մեկնած օպերատիվ խումբը նշված վայրում հատնաբերել է   «Կարաբին» հրացան, 7,62 մմ տրամաչափի  254 և խոշոր տրամաչափի  7 փամփուշտ: Հայտնաբերվածն ուղարկվել է փորձաքննության: Կատարվում է հետաքննություն: