Այսօր Շվեյցարիայի Համադաշնությունը բացեց իր դեսպանատունը Երեւանում: Բացման արարողությանը ներկա էին Շվեյցարիայի նախագահ Միշելին Քալմի-Ռեյը եւ Հայաստանի նախագահ Սերժ Սարգսյանը: Մինչ այսօր Շվեյցարիան իր դիվանագիտական ներկայությունը ՀՀ-ում ապահովում էր դեսպանության գրասենյակի միջոցով: Դաշնային խորհուրդը Հայաստանում Շվեյցարիայի արտակարգ եւ լիազոր դեսպան է նշանակել Կոնստանտին Օբոլենսկուն` Հայաստանում Շվեյցարիայի նախկին դեսպանության գրասենյակի ղեկավարին: