Ըստ Վանաձորում շրջանառվող խոսակցությունների` սոցիալական ապահովության պետական ծառայության նախկին պետ Վազգեն Խաչիկյանն այսօր թունավորվել է քաղաքի «Էլկանի» ռեստորանում: Ասում են, թե նա ճաշելիս է եղել ինչ-որ անձի հետ, որը Խաչիկյանի վատանալուց հետո անհետացել է: Վերջինս այժմ Երեւանի «Էրեբունի» բժկական կենտրոնում է: Խաչիկյանի կինը` Լիլիթ Ասատրյանը, սակայն, մեզ հայտնեց, որ նման բան բացարձակ չկա, եւ ամուսնու մոտ ընդամենը ճնշման տատանում է եղել: Նույնը բանը ասաց նաեւ Խաչիկյանի եղբայրը` Ախթալայի քաղաքապետ Հայկ Խաչիկյանը, ըստ որի` պարզապես եղբոր ինքնազգացողությունն է վատացել, եւ թունավորման մասին խոսակցությունները սուտ են: