ՀՀ ԱԺ փոխնախագահ Սամվել Բալասանյանը Ջավախքում գարեջրի գործարան է բացում: Այսօր կայացած մամուլի ասուլիսում այս մասին ասաց Սամցխե-Ջավախքի հայկական հասարակական կազմակերպությունների խորհրդի անդամ, «Ա-ինֆո» միության նախագահ Արտակ Գաբրիելյանը: Սամվել Բալասանյանը վերակառուցում է Ախալքալաքի գարեջրի նախկին գործարանը: Այժմ ընթանում են շենքի վերանորոգման աշխատանքները: Գարեջրի գործարան բացելու հանգամանքը Արտակ Գաբրիելյանը նշեց որպես Հայաստանի կողմից Ջավախքում ներդրումներ կատարելու լավ օրինակ, բայց հավելեց, որ անհրաժեշտ է պետական հստակ քաղաքականություն, ինչը Վրաստանին և ամբողջ աշխարհին ցույց կտա, որ Հայաստանը` որպես Մայր Հայրենիք, շահագրգռվածություն ունի տվյալ տարածքի և տվյալ ժողովրդի հանդեպ: