Երևանի քաղաքապետ Կարեն Կարապետյանն այսօր հանդիպել է Դալմայի այգիների նախկին հողօգտագործողների հետ, լսել նրանց հուզող հարցերը, որոնք վերաբերում են  2004-2006 թթ. ընթացքում օտարման արդյունքում հողատարածքները ձեռք  բերած կառուցապատողների կողմից հատկացվող փոխհատուցումներին: Ընդհանուր թվով՝ 151 նախկին հողօգտագործողներից 48-ի դեպքում հարցը չի բավարարվել: Խնդրին լուծում տալու նպատակով քաղաքապետի հանձնարարությամբ ստեղծվել է համապատասխան աշխատանքային խումբ, որը պարբերաբար հանդիպումներ կանցկացնի  կողմերի հետ և հսկողություն կիրականացնի գործընթացի հետ կապված: Բացի այդ, ինչպես տեղեկացնում են քաղաքապետարանի լրատվության ծառայությունից, պայմանավորվածություն է ձեռք բերվել կառուցապատողների հետ` սեղմ ժամկետներում փոխհատուցումները ապահովելու վերաբերյալ: