Իշխանությունները որոշել և երեկ արդեն Ազատության հրապարակը մաքրել էին այնտեղ տեղադրված ատրակցիոններից, որոնք տեղադրվել էին դեռ ամիսներ առաջ` Հայ ազգային կոնգրեսի հանրահավաքն այնտեղ արգելելու նպատակով: Թվում էր, թե դա ենթադրում է նաև, որ Ազատության  հրապարակն այլևս «արգելված պտուղ» չի լինելու ընդդիմության համար: Բայց Երևանի քաղաքապետարանը, որը մինչ այդ մերժել է Կոնգրեսի` ապրիլի 8-ին Ազատության հրապարակում հանրահավաք անելու հայտը, երեկ «չի արտոնել» նաև ապրիլի 18-ին և 19-ին հրապարակում հանրահավաքի անցկացումը` հերթական անգամ պատճառաբանելով, որ ապրիլի 1-ին և դրան հաջորդող օրերին հրապարակում այլ միջոցառումներ են անցկացվելու, որոնք բացառում են տվյալ հանրահավաքների անցկացումը: