Ոստիկանությունը հերքել է այսօր «Հայկական ժամանակ» օրաթերթում տպագրված «Իրեղեն ապացույցով» վերնագրով հրապարակումը: Թերթը, հղում անելով «իր աղբյուրներին», տեղեկացրել էր, որ «երեկ ՀՀ ազգային անվտանգության ծառայության աշխատակիցները սեփական աշխատասենյակում «գործի» պահին բռնացրել են ոստիկանության բաժիններից մեկի մի բարձրաստիճան պաշտոնյայի: Պաշտոնյան աշխատասենյակում փակված է եղել ոստիկանության բաժին բերման ենթարկված մի երիտասարդի հետ»: «Պաշտոնապես հայտնում ենք, որ հրապարակման մեջ հիշատակված փաստերը չեն համապատասխանում իրականությանը»,- հաղորդում են ոստիկանությունից: