![](/static/articles/51/36/l-sMjYJDLXPz.jpg)
«ՀԺ». Ազնավուրն ընդդեմ հայկական մաֆիայի
«Հայաստանում մարդկանց օգնելու համար ոչինչ չի արվում։ Մաֆիայի անդամների մասին սարսափելի պատմություններ եմ լսում։ Կարողանում են այնպես անել, որ գյուղացին սոված մնա իր իսկ հողի վրա։ Մաֆիայի այդ անդամներին պետք է գնդակահարել։ Այդպես այլևս չի կարող շարունակվել։ Ցանկանո՞ւմ եք անդամակցել մաֆիային։ Գնացեք ձեր մաֆիան ուրիշ երկրներում հիմնեք։ Դա ձեր երկրում մի արեք, ձեր ժողովրդի դեմ մի արեք»,- «Nouvelles d'Arménie» ամսագրում հրապարակված հարցազրույցում նման համարձակ գնահատականներ է տվել աշխարհահռչակ շանսոնյե, Շվեյցարիայում ՀՀ դեսպան Շառլ Ազնավուրը՝ խոսելով Հայաստանում արտագաղթի պատճառների մասին:
Աշխարհահռչակ շանսոնյեն ընդգծել է, որ հայաստանի բնակչության թիվն ուռճացված է ներկայացվում: «Իմ միակ ցանկությունն այն է, որ այնտեղ մնացած մի բուռ ժողովրդի համար լավ բաներ արվեն: Քանի՞ մարդ է մնացել այնտեղ: Ասում են 2,3 միլիոն: Մինչդեռ իշխանությունները հայտարարում են 3,6 միլիոնի մասին: Բայց դա ճիշտ չէ»,- ասել է Ազնավուրը՝ մտահոգություն հայտնելով, որ կարճ ժամանակ անց այդ թիվն ավելի է նվազելու՝ հասնելով 1,8 միլիոնի, իսկ հետո էլ 1 միլիոնի:
Մեկնաբանություններ (3)
Մեկնաբանել