Ախալքալաքի «Աբուլ» թիմը 3:1 հաշվով հաղթանակ է տարել Թբիլիսիի «Սասկո» թիմի նկատմամբ: Ապրիլի 5-ին Ջավախքում բացվել է ֆուտբոլային սեզոնը: «Աբուլ» և «Սասկո» թիմերի հանդիպումը երկու անգամ հետաձգվել էր անբարենպաստ եղանակի պատճառով: Չնայած այս անգամ էլ ձյունախառն անձրև է տեղացել, ինչը, սակայն, չի խանգարել ախալքալաքցիներին 2 գնդակ ուղարկել հակառակորդի դարպաս: Մեկ գնդակ էլ ինքնագոլ է եղել: Ախալքալաքի մունիցիպալիտետի պաշտոնական կայքը տեղեկացնում է, որ ֆուտբոլի զարգացման համար բյուջեից 30 հազար լարի (6 մլն 660 հազար դրամ) է տրամադրվել, որը պետք է առաջատար դիրքեր ապահովի Ախալքալաքի «Աբուլ» թիմի համար Վրաստանի ֆուտբոլային մրցապայքարի երկրորդ լիգայի աղյուսակում: Լուս.` akhalkalaki.ge-ի