Հոկտեմբերի 7-ին ճանապարհային ոստիկանության ծառայողները Կապան քաղաքի Գործարանային փողոցում ճանապարհային երթևեկության կանոնները խախտելու համար կանգնեցրել են 47-ամյա Բորիս Ա.-ի վարած «ԿամԱԶ» մակնիշի ավտոմեքենան:

Փաստաթղթերի ստուգման ընթացքում ոստիկանները Բորիս Ա.-ի ներկայացրած վարորդական իրավունքի վկայականի կաշվե կազմի արանքում նկատել են սև գույնի ափիոնանման զանգված' պոլիէթիլենով փաթեթավորված:

Ոստիկանության Կապանի բաժնում պարզվել է, որ հայտնաբերված զանգվածի քաշը 0,4 գրամ է: Հայտնաբերվածն ուղարկվել է փորձաքննության: Կատարվում է հետաքննություն: