Հոկտեմբերի 8-ին 84 տարեկանում մահացել է հայ կինոռեժիսոր, ՀՀ արվեստի վաստակավոր գործիչ, պրոֆեսոր Ժիրայր Ավետիսյանը:

Ժիրայր Ավետիսյանը ծնվել էր 1927 թվականի հոկտեմբերի 22-ին Էջմիածինում:

Առաջին հեռուստաեթերը սկսվել է կես դար առաջ` մեկ կարմիր կոճակի սեղմումով, և այդ կոճակը առաջինը սեղմել է Ժիրայր Ավետիսյանը, ով նկարահանել է առաջին հայկական հեռուստաֆիլմը, առաջին խաղարկային ֆիլմը, առաջին լիամետրաժ ֆիլմը ու էլի տասնյակ ֆիլմեր, հարյուրավոր հաղորդումներ ու բեմադրություններ:

Ավետիսյանը 36 փաստագրական և գեղարվեստական ֆիլմերի հեղինակ է, որոնցից են «Ձորի Միրոն», «Շրթներկ համար չորս» կատակերգությունը, «Պոեմ հերոսական» ֆիլմ բալլադը: