«Երեւան քաղաքի Կենտրոն եւ Նորք Մարաշ համայնքների ընդհանուր իրավասության դատարանը հիմնավորված է համարել քվեարկության արդյունքները կեղծելու համար թիվ 9/31 ընտրատեղամասի հանձնաժողովի նախագահ Էդուարդ Աղաջանյանին ներկայացված մեղադրանքը: Էդ. Աղաջանյանն ընդունել է ներկայացված մեղադրանքը եւ խնդրել կիրառել արագացված դատաքննություն, որի դեմ մեղադրող կողմը չի առարկել:

Դատարանի 29.02.08թ. դատավճռով Էդ. Աղաջանյանը հանցավոր է ճանաչվել ՀՀ քրեական օրենսգրքի 150-րդ հոդվածով եւ դատապարտվել 2 տարվա ազատազրկման»:

Հիշեցնենք, որ Երեւանի 9/31 ընտրատեղամասում Արթուր Բաղդասարյանի բողոքի հիման վրա կատարվել էր վերահաշվարկ, որի արդյունքում պարզվել էր, որ կեղծվել են ընտրությունների արդյունքները: