Այսօր ձերբակալվել է 53-ամյա Արամայիս Նալթատյանը: Ինչպես հայտնում է ֆոտոլրագրող Գագիկ Շամշյանը, վերջինս տեղափոխվել է ոստիկանության Երևան քաղաքի վարչության ձերբակալվածների պահման վայր:

Հիշեցնենք, որ հոկտեմբերի 7-ին՝ ժամը 14:20-ի սահմաններում, «Միցուբիշի Պաջերո» մակնիշի ավտոմեքենան Ավան վարչական շրջանի Թամրուչի փողոցի խաչմերուկում վրաերթի է ենթարկել երիտասարդ մի աղջկա:

Դեպքի վայրում ֆոտոլրագրող Գագիկ Շամշյանին պատմել էին, որ «Միցուբիշի Պաջերո»-ի հարվածն այնքան ուժեղ է եղել, որ երիտասարդ աղջիկը 50-80 մետր շպրտվել է և տեղում մահացել: Ֆոտոլրագրողի փոխանցմամբ՝ մահացածը Դուրյան թաղամասի բնակիչ, 31-ամյա Իրինա Շիրինյանն էր, ով, ըստ դեպքի վայրում հավաքվածների, եղել է հղի:

Ոստիկանության աշխատակիցները վարորդին՝ Արամայիս Նալթատյանին, տեղափոխել էին «Սուրբ Գրիգոր Լուսավորիչ» բժշկական կենտրոն:

Լուսանկարները՝ Գագիկ Շամշյանի