Հասմիկ Կարապետյան

Կար ժամանակ, երբ Վանաձորը (Կիրովականը) գեղեցիկ, զարգացած ու ծաղկուն քաղաք էր: Շատերը կպնդեն, որ Վանաձորը հիմա էլ գեղեցիկ է ու մաքուր: Անաչառ լինելու համար չեմ ժխտի, որ Վանաձորը, եթե համեմատենք հայաստանի այլ քաղաքների հետ, մաքուր է, սակայն այլեւս ծաղկուն ու զարգացած չէ: Քաղաքի որոշ հատածներ, որոնք քաղաքապետարանը վարձակալության է հանձնել տարբեր ընկերությունների, գտնվում են ամենաանխնամ ու լքված վիճակում:

Այգիները վերածվել են վաղուց անմարդաբնակ տարածք հիշեցնող գոտիների, կարծես այստեղ աղետ է եղել կամ մարտադաշտ: Ֆոտոշարքում կտեսնեք Վանաձորի երբեմնի ժամանցի, իսկ այժմ աղբանոց վերածված կամ, լավագույն դեպքում, ուղղակի լքված վայրերը: