Տեսանյութեր
Լուսանկարներ
«Հայկական ժամանակ». ախորժակ ա, է՜
Վերահսկիչ պալատի նախագահ Իշխան Զաքարյանի կինը` Գայանե Սողոմոնյանը, որն այժմ զբաղեցնում է Երեւանի քաղաքապետարանի կրթության վարչության պետի պաշտոնը, անդամագրվել է ՀՀԿ-ին:
Ըստ «ՀԺ»-ի աղբյուրների` տիկին Սողոմոնյանը ընդգրկվելու է ՀՀԿ-ի համամասնական ցուցակում: ՀՀԿ խոսնակ Է. Շարմազանովը երեկ հաստատեց, որ ՎՊ նախագահի կինը ՀՀԿ անդամ է դարձել: Ինչ վերաբերում է Սողոմոնյանի` ՀՀԿ համամասնական ցուցակում ընդգրկվելուն, Շարմազանովն ասաց, թե այդ մասին ոչինչ չի կարող ասել, քանի որ նախընտրական ցուցակը դեռ չի քննարկվել:
Ուշագրավ է, որ նախկին կոմսոմոլ Իշխան Զաքարյանը, որ հետագայում դարձավ կարկառուն ԲՀԿ-ական` համարվելով Ռ. Քոչարյանի մարդն ու խորհրդարան մտավ ԲՀԿ համամասնական ցուցակով, ընտանիքով ՀՀԿ-ականանում է: Ճիշտ է, ինքը՝ Զաքարյանը, ՀՀԿ անդամ չէ, բայց հիմա էլ համարվում է Սերժ Սարգսյանի մարդը:
Մեկնաբանություններ (2)
Մեկնաբանել