Տեսանյութեր
Լուսանկարներ
«Հայացք». չվացուցակն էր խախտվել, մեքենաներն էին փչացել
Տրանսպորտի և կապի նախարար Մանուկ Վարդանյանին երեկ զարմացրեց «Հայացքի» այն հարցը, թե ընդդիմության նստացույցի օրերին ինչո՞ւ էր մարզերից Երևան եկող տրանսպորտի աշխատանքը դադարեցվել: Նա զարմացավ, շփոթվեց և մեր հարցին հարցով պատասխանեց. «Ովքե՞ր էին խախտում թույլ տվել»:
Երբ հիշեցրինք, որ «գծի տերերն» էին խախտում կատարողները, նախարարը զավեշտալի պատճառաբանություն բերեց:
«Տարբեր պատճառներով` մեկի մեքենան չէր աշխատում, մյուսի մոտ չվացուցակի խախտում էր եղել: Դրա համար մենք պատժեցինք նրանց»,- ասաց Մանուկ Վարդանյանը:
Այս պատասխանը թեև զավեշտալի է, բայց նրան էլ կարելի է հասկանալ: Հո չէ՞ր խոստովանի, որ վերևներից եկած հրահանգով էր կաթվածահար եղել մարզերից Երևան եկող տրանսպորտի աշխատանքը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանություններ (1)
Մեկնաբանել