Գործադիրն հաստատել է տեղեկատվական տեխնոլոգիաների ոլորտի խթանման ծառայությունների 2014թ. ծրագիրը: Կանցկացվեն «Դիջիթեք» ցուցահանդեսը, «Դիջիթեք բիզնես ֆորում 2014», «Արմթեք 2014» համաժողովները և այլն:

«Այս միջոցառումները միտված են ցուցադրել հայկական ՏՏ ոլորտի նվաճումները, կառավարության, մասնավոր հատվածի, գիտական և կրթական հաստատությունների և դոնոր կազմակերպությունների համագործակցության, միասնության և համատեղ ջանքերի արդյունքները»,- տեղեկացնում է կառավարությունը: 

Կառավարության այսօրվա նիստում որոշում է կայացվել վերոնշյալ ծրագրերի իրականացման համար բյուջեից հատկացնել 80 մլն դրամ: