![](/static/articles/53/98/l-nh3IM7kNNZ.jpg)
«Հայկական ժամանակ». գաղտագողի
ՀՀ գլխավոր դատախազ Աղվան Հովսեփյանը հինգշաբթի ծածուկ այցելել է ՀՀ կառավարություն: Նա գործադիր է գնացել իր «Ֆոլցվագեն Ֆաետոնով» եւ ներս է մտել շենքի հետեւի՝ ծառայողական ավտոմեքենաների համար նախատեսված մուտքով:
Հովսեփյանը սովորաբար գործադիր է գնում ոտքով` կառավարության նիստերին մասնակցելու համար, ներս է մտնում կենտրոնական մուտքից: «ՀԺ» տեղեկություններով՝ արդեն երկար ժամանակ է` գլխավոր դատախազության եւ կառավարության հարաբերությունները սրված են, ու Հովսեփյանը ցուցադրաբար նիստերին չի մասնակցում:
Այդ օրը նա կառավարություն է եկել նիստից հետո: Իսկ նիստին մասնակցել է նրա տեղակալը՝ Արամ Թամազյանը: Վերջինս և արդարադատության նախարար Հրայր Թովմասյանը նիստից հետո նույնպես մնացել են շենքում:
«ՀԺ» տեղեկություններով՝ վարչապետի մոտ տեղի է ունեցել «ռազբորկա», որին մասնակցել են Հովսեփյանը, նրա տեղակալը և Թովմասյանը:
Մեկնաբանել