Վարչապետ Հովիկ Աբրահամյանն այսօր ՀՀ առողջապահության նախարարութան աշխատակազմերին է ներկայացրել ՀՀ առողջապահության նորանշանակ նախարար Արմեն Մուրադյանին: Վարչապետ Աբրահամյանը նախ շնորհակալություն է հայտնել նախկին նախարարին համատեղ արդյունավետ աշխատանքի համար՝ բարձր գնահատելով Ազգային ժողովի նախագահի պաշտոնում նրա հետ ծավալված համագործակցությունը:  

Այնուհետև ներկայացնելով ՀՀ առողջապահության նորանշանակ նախարարին՝ Հովիկ Աբրահամյանը նշել է. «Արմեն Մուրադյանն աշխատել է առողջապահության ոլորտում, և համոզված եմ, որ փորձելու է անպայման իրականացնել իր առջև դրված խնդիրները: Այս ոլորտում մենք մեծ անելիքներ ունենք»: Վարչապետի խոսքով՝ անհրաժեշտ են ժամանակ և ռեսուրսներ առկա բոլոր խնդիրները միասին հաղթահարելու համար: Այս մասին հայտնում է ՀՀ կառավարության պաշտոնական կայքը: