«Արարատյան հարթավայրի ստորերկրյա ջրերի վերականգնման, պահպանման, վերարտադրման և օգտագործման միջոցառումների տարեկան համալիր ծրագրերը հաստատելու մասին» նախագծի քննարկման ժամանակ ԱԺ ՀԱԿ խմբակցության քարտուղար Արամ Մանուկյանը հայտարարեց, որ ջուրը բաց թողնելու իշխանության պահանջը գիտականորեն հիմնավորված չէ:

«Սևանի մակարդակը վերջին 6 տարիների ընթացքում իջել է 16 անգամ: 2002-2005թ-ին Սևանի մակարդակը բարձրացել է 12 սմ, 2005-2008-ին բարձրացել է 23 սմ, իսկ վերջին երկու տարիներին՝ ընդամենը 3 մետր: Սա ապացուցում է, որ վերջին տարիներին Սևանի մակարդակի բաձրացման համալիր ծրագրերը ոչ մի օգուտ չի տվել»,- ասաց Մանուկյանը:

Ըստ նրա՝ շրջանառության մեջ դրված օրենքը ոչ թե լուծում է Արարատյան դաշտավայրի հողերի ոռոգման խնդիրը, այլ Սևանի ափին կառուցված շինությունների պահպանման համար է արվում:

«Այս նախագիծը բիզնես ծրագիր է և մի քանի ընտանիքների բիզնեսի խնդիրներ է լուծում: Մինչդեռ այս խնդիրների լուծման համար տարիներ առաջ համալիր ծրագիր էին մշակվել»,- հավելեց նա:

ՀԱԿ պատգամավորը նշեց, որ ջրային պաշարների պահպանման համար ծուրջ 200 ծրագիր է իրակացվել, որից 35 ծրագիր մասամբ կամ ամբողջությամբ նվիրված է եղել ջրային տնտեսության կամ ջրային համակագերի պահպանմանը:

«Դրանց գումարը կազմել է 712 մլն դոլար և հիմա մի հատ էլ ծրագիր կա, որի գումարը կազմում է 30 մլն դոլար, որի մեծ մասը ծախսվում է ուսումնասիրությունների, դասընթացների վրա: Այսինքն՝ մեր չինովնիկները փող են աշխատել և՛ Սևանից ջուր բաց թողնելու համար, և՛ Սևանի ջուրը պահելու համար»,- ասաց նա:

Արամ Մանուկյանը պատգամավորներին հիշեցրեց մեկ ու կես տարի առաջ Սերժ Սարգսյանի կողմից հնչեցված խոստումը Սևանի պահպանման համար: «Մենք պատրաստվում ենք կառուցել Եղվարդի, Քաղսիի և Վեդիի ջրամբարները». սա Սերժ Սարգսյանի 2013թ-ի ելույթից հատված է»,- ասաց Մանուկյանը՝ նշելով, որ նույն տարվա սկզբին կառավարությունը նմանատիպ ևս մեկ խոստում տվեց:

«Ես ջրամբարների կառուցման վերաբերյալ դիմել եմ կառավարությանը և ստացել եմ հետևյալ պատասխանը, որ Եղվարդի, Քաղսիի, Վեդիի ջրամբարների համար նախատեսված նախագծեր չկան և կառուցման աշխատանքներ չեն կատարավում և ամենզավեշտալին այն է, որ կառավարությունն իր պատասխանի մեջ նշել է, որ Քաղսիի ջրամբարի մասով անհրաժեշտ է հստակեցնել տվյալ ջրամբարի գտնվելու վայրը: Սա է կառավարության ծրագիրը, որը ոչինչ չի արել: Եվ հիմա եկել նեյնիմ եք անում, որ խնդիրներ կան ու ստպված եք ջուրը բաց թողնել, է ես խնդիրները լուծեք, որ ջրի բացթողնման խնդիրեր չլինեն»,- եզրափակեց նա: