Քիչ առաջ Ազգային ժողովում ՀՀԿ խմբակցությունը պետաիրավական հարցերով մշտական հանձնաժողովի նախագահի պաշտոնում առաջադրեց Հ. Սահակյանին: Նա այդ հանձնաժողովի նախագահի միակ թեկնածուն է:

Վերջինս շնորհակալություն հայտնեց ՀՀԿ-ին ու նախագահ Սերժ Սարգսյանին բարձր վստահության համար, պատգամավորներին ներկայացրեց իր կենսագրությունը, ապա հայտարարեց. «Պետաիրավական հարցերով հանձնաժողովը բավական լուրջ դերակատարում ունի ԱԺ-ում, որտեղ ես ընտրվելու պարագայում այն ջանքն ու եռանդը, որը ունեմ, ներդնելու եմ, որ կարողանանք կազմակերպել աշխատանքները»:

Հովհաննես Սահակյանը խոստացավ ընտրվելու դեպքում պահպանել այն բարի ավանդույթները, որոնք գործում են հանձնաժողովում:

ԱԺ պետաիրավական հարցերով մշտական հանձնաժողովի նախագահի ընտրության քվեարկությունը տեղի կունենա վաղը: