Այսօր Ազգային ժողովում կայացավ Պետական-իրավական հարցերի մշտական հանձնաժողովի նախագահի ընտրություն: Հանձնաժողովի նախագահ ընտրվեց առաջադրված միակ թեկնածուն՝ ՀՀԿ խմբակցության քարտուղար Հովհաննես Սահակյանը: Ինչպես հայտարարեց ժամանակավոր հաշվիչ հանձնաժողովի նախագահ Սուքիաս Ավետիսյանը, ընտրություններին մասնակցել է 86 պատգամավոր, կողմ են քվեարկել 80-ը, իսկ դեմ՝ 5-ը:

Հովհաննես Սահակյանը շնորհակալություն հայտնեց ՀՀԿ-ին իրեն վստահելու ու առաջադրելու համար, ապա նշեց,  որ ինքը պատրաստ է բարձր պատասախանտվությամբ ստանձնել Պետական-իրավական հարցերի հանձնաժողովի նախագահի պաշտոնը: