Այսօր ՆՓԱԿ-ում տեղի ունեցավ 23 տարի սովետական բանտերում անցկացրած Հենրիկ Շաթիրյանի «Խարան» վեպի ռուսերեն թարգմանության շնորհանդեսը:

Գիրքը ռուսերեն է թարգմանել ցմահ դատապարտյալ, 18 տարի անազատության մեջ գտնվող Մհեր Ենոքյանը: Թարգմանչի ցանկությամբ գրքի վաճառքից գոյացած ողջ հասույթը կփոխանցվի Շաթիրյան ընտանիքին:

Գիրքն հրատարակվել է Մհեր Ենոքյանի հետ 18 տարի առաջ նույն խցում գտնվող մաթեմատիկ, ծրագրավորող Գուրգեն Մարտիրոսյանի աջակցությամբ: Շնորհանդեսին ներկայացվել է նաև «Խարանի» հայերեն տարբերակը, որը լույս է տեսել Վարդան ու Աշխեն Պետրոսյանների աջակցությամբ: