Մայիսի 5-8-ին Հայաստանի ազգային մրցունակության հիմնադրամը կներկայացնի Հայաստանը Դուբայում տեղի ունեցող «Արաբական զբոսաշրջային շուկա» միջազգային զբոսաշրջային ցուցահանդեսին:

Այն Մերձավոր Արևելքում զբոսաշրջային ոլորտի ամենամեծ միջոցառումն է. ակնկալվում է շուրջ 20 հազար առևտրային գործակալների, զբոսաշրջային մասնագետների և 21 հազար այցելուների մասնակցություն: Ցուցահանդեսը համակենտրոնացնում է տարածաշրջանի գործարար ներուժը՝ միևնույն ժամանակ, հանդիսանալով զբոսաշրջության ոլորտի մարտահրավերների և հեռանկարների քննարկման արդյունավետ հարթակ:

Ցուցահանդեսի ընթացքում կներկայացվեն Հայաստանի պատմամշակութային և քրիստոնեական հարուստ ժառանգությունը ցուցադրող տեղեկագրքեր և քարտեզներ: Խոշորագույն այս ցուցահանդեսին ՀԱՄՀ մասնակցությունը նպատակ ունի՝ խթանելու Հայաստանի զբոսաշրջությունը մերձավորարևելյան շուկայում, զբոսաշրջային արդյունքների իրացման համար գործընկերային նոր կապեր հաստատել և նպաստել ներգնա զբոսաշրջային հոսքերի աճին: