Երեկ երեկոյան Երևան-Սևան ավտոճանապարհի՝ հյուսիսային ավտոկայանի դիմաց, իրար են բախվել «Մերսեդես» մակնիշի 29 ԼՍ 236 համարանիշի և «ԳԱԶ 24» մակնիշի 06 ՍՕ 472 համարանիշի ավտոմեքենաները:

Ինպես հայտնում է ֆոտոլրագրող Գագիկ Շամշյանը, բախման հետևանքով «ԳԱԶ 24»-ը դուրս է եկել երթևեկելի գոտուց և հայտնվել ձորում: Վթարի վայրից 3 հոգի մարմնական վնասվածքներով տեղափոխվել է հիվանդանոց. 2-ը՝ Աբովյանի, 1-ը՝ Երևանի:

Դեպքի վայրում հայտնվածները ֆոտոլրագրողին հայտնել են, որ «Մերսեդեսը» վարել է 35-ամյա Արա Հախյանը, իսկ «ԳԱԶ 24»-ը՝ 79-ամյա Լևոն Ջանվելյանը, ով «Արզնի» ընկերության սեփականատեր Մարատ Ջանվելյանի եղբայրն է:

Մարատ Ջանվելյանը նույնպես եղել է վթարի վայրում եւ օգնություն ցուցաբերել վթարի ենթարկվածներին:

Լուսանկարները՝ Գագիկ Շամշյանի