Դանիայի մայրաքաղաք Կոպենհագենում կայացած «Եվրատեսիլ 2014»-ի երգի մրցույթի եզրափակիչ փուլում Հայաստանը ներկայացնող Արամ MP3-ը զբաղեցրեց 4-րդ հորիզոնականը: Մրցույթի հաղթող ճանաչվեց Ավստրիայի ներկայացուցիչ Կոնչիտան (Conchita Wurst): Նա կատարեց «Rise Like a Phoenix» երգը:

Կոնչիտայից հետո առաջին քառյակում տեղ գտան համապատասխանաբար Նիդերլանդների և Շվեդիայի ներկայացուցիչները:   

Հայաստանի օգտին առավելագույն՝ 12 միավորն տվեցին Ֆրանսիան և Ավստրիան: 10-ական միավոր տվեցին Լատվիան, Բելառուսը, Մոնտենեգրոն և Ուկրաինան: 8 միավոր Հայաստանը ստացավ Մակեդոնիայից, 7-ական միավոր` Հունաստանից, Ռումինիայից, Նիդերլանդներից և Հունգարիայից, 6-ական միավոր՝ Սան Մարինոյից, Գերմանիայից, Իսրայելից, Մալթայից, 5-ական՝ Շվեդիայից ու Էստոնիայից, 4-ական միավոր՝ Պորտուգալիայից, Ֆինլանդիայից ու Իսպանիայից: Նվազագուն միավորներ Հայաստանը ստացավ Մոլդովայից՝ 3, Դանիայից՝ 2 և Լեհաստանից՝ 1: 

Ռուսաստանը Հայաստանին տվեց 8 միավոր, 10-ը՝ Ադրբեջանին, 12-ը՝ Բելառուսին:

Հարևան Վրաստանը իր 8 միավորը տվեց Ռուսաստանին, 10 միավորը՝ Ավստրիային, 12 միավորը՝ Հայաստանին: 

Հայաստանը իր 8 միավորը տվեց Բելառուսին, 10 միավորը՝ Ռուսաստանին, Մոնտենեգրոն ստացավ 12 միավորը: 

Արամ MP3-ը կատարում էր «Note Alone» երգը, որի երաժշտության հեղինակն ինքն էր, իսկ խոսքերի հեղինակը՝ Գարիկ Պապոյանը: Գործիքավորումը կատարել էր Լիլիթ Նավասարդյանը: