ՀՀ վարչապետ Հովիկ Աբրահամյանի որոշումներով` Արթուր Աֆրիկյանը, Տիգրան Բարսեղյանը և Արմեն Ալավերդյանը ազատվել են Հայաստանի Հանրապետության կառավարությանն առընթեր պետական եկամուտների կոմիտեի նախագահի տեղակալների պաշտոնից։ Վարչապետի երեք այլ համապատասխան որոշումներով` Արթուր Աֆրիկյանը, Տիգրան Բարսեղյանը և Արմեն Ալավերդյանը նշանակվել են Հայաստանի Հանրապետության ֆինանսների նախարարի տեղակալներ։ Այս մասին տեղեկացնում է կառավարությունը: ՀՀ վարչապետի այլ որոշումներով Լիանա Հունանյանը և Արմեն Հայրապետյանն ազատվել են Հայաստանի Հանրապետության ֆինանսների նախարարի տեղակալների պաշտոնից, իսկ Ռոբերտ Գալոյանն ազատվել է Հայաստանի Հանրապետության կառավարությանն առընթեր պետական եկամուտների կոմիտեի նախագահի տեղակալի պաշտոնից: