Տեսանյութեր
Լուսանկարներ
Սուրիկ Խաչատրյանը հերքում է իր միջամտությունը Գորիսի ընտրություններին
Հանրապետական կուսակցության 15-րդ հերթական համագումարին Սյունիքի նախկին մարզպետ Սուրիկ Խաչատրյանը լրագրողների խնդրանքով անդրադաձավ Գորիսի ընտրություններին: «Ընտրություններն արդեն ավարտված եմ համարում»,- ասաց նա։
Հիշեցնենք, որ Գորիսում առաջադրված 4 թեկնածուներից պայքարը շարունակում են միայն երկուսը, որոնցից Վաչագան Ադունցը համարվում է Սուրեն Խաչատրյանի հովանավորյալը: Սյունիքի նախկին մարզպեստը չհամաձայեց այն կարծիքի հետ, թե ինքը հովանավորում է Ադունցին և նրա միջոցով ուզում է կրկին իր հեղինակությունը հաստատել Գորիսում։ «Նա մեր բոլորիս թեկնածուն է»,- նշեց նա։
Պատասխանելով այն հարցին, թե ինչո՞ւ եք ուզում Ձեր ծանոթները, բարեկամներն ու ընկերները դառնան պաշտոնյա, նախկին մարզպետն արձագանքեց. «Չեմ ուզում ո՛չ իմ ծանոթ-բարեկամը դառնա, ո՛չ էլ… Ադունցը ո՛չ ախպերս ա, ո՛չ բարեկամս, ո՛չ հորքուրիս տղան, ո՛չ էլ արյունակցական կապ ուենք։ Ընկներ է… չէ, ինքը իմ տարիքին էլ չի, որ իմ ընկերը լինի, ինքն ընդամենը հարգված մարդ է»։
Ինչ վերաբերում է տեղեկություններին, թե հենց Ս. Խաչատրյանի ճնշմամբ են Ադունցի մրցակից թեկածուներն ինքնաբացարկ հայտնել, նախկին մարզպետը նշեց, թե «անիմաստ հարցերին» չի ուզում պատասախանել։ Հարցին` ուզո՞ւմ եք վերադառնալ քաղաքականություն, Սուրեն Խաչատրյանը պատասխանեց, թե չի էլ հեռացել։ Դիտարկմանը, թե չեք հեռացել Սյունիքի՞ց, թե՞ հանրապետությունից, նա արձագանքեց այսպես. «Ընդհանրապես»։
Մեկնաբանություններ (3)
Մեկնաբանել