Հոկտեմբերի 17-ին բերման է ենթարկվել է Ստեփանավանի Լեջան գյուղի 25-ամյա մի բնակիչ,  ով կասկածվում է Նոյեմբերյանի քաղաքին հարակից  Կողբ գյուղի 83-ամյա բնակչուհու բռնաբարության մեջ: Այդ երիտասարդի մայրը երկրորդ ամուսնությամբ հարս է եկել Նոյեմբերյան քաղաք: Մի քանի տարի առաջ  երիտասարդը, բնակվելով հարազատ մոր եւ վերջինիս ամուսնու հետ, Նոյեմբերյան քաղաքում փորձել էր սեռական բնույթի ոտնձգություն կատարել հարեւանուհու` ամուսնացած երիտասարդ կնոջ նկատմամբ: Նա այդ հանցագործության համար  դապատապարտվել է ազատազրկման:

Մեր տվյալներով` նա գիշերը ներխուժել է կողբեցի ծեր կնոջ տուն, ծեծել նրան եւ բռնաբարել: Հոկտեմբերի 17-ին` ժամը  17-ի սահմաններում, ոստիկանները ծեծի հետեւանքով  աչքի տակը սեւացած ծեր կնոջը` վերջինիս թոռան ուղեկցությամբ,  տարել են Նոյեմբերյանի հիվանդանոցի  գինեկոլոգիական բաժանմունք, ուր դատական բժիշկը նրան հետազոտել է:

Ներկայումս դեպքի կապակցությամբ հարուցված է  քրեական գործ: Գործի քննությունը կատարող Նոյեմբերյանի ոստիկանության քննչական բաժանմունքի քննիչ Աշոտ Ղուշչյանը, վկայակոչելով նախաքննության գաղտնիությունը, հրաժարվեց դեպքի վերաբերյալ մանրամասներ հաղորդել: