Մարզահամերգային համալիրի հարևանությամբ գտնվող բլրի վրա այսօր մեկնարկեցին Հայաստանում առաջին բացօթյա կինոթատրոնի՝ CornPop Cinema-ի ցուցադրումները:

Ֆիլմերն ընտրվում են CornPop Cinema-ի ֆեյսբուքյան էջում՝ օգտատերերի օգնությամբ:

Նախաձեռնության հեղինակները Տաթևն ու Գևորգն են: Բացօթյա կինոթատրոնում ցուցադրվելու են տարբեր ժանրերի ֆիլմեր: 1000 դրամ արժողությամբ տոմսը կարելի է ձեռք բերել հենց տեղում. տոմսի հետ տրվում են նաև բարձեր ու տաք ծածկոցներ: Պոպկորն ու զովացուցիչ ըմպելիքներ կարելի է գնել շարժական վաճառակետի վերածված «Երազ» ավտոմեքենայում:

Բացօթյա կինոթատրոնը շարունակելու է ֆիլմերի ցուցադրությունը մինչ հոկտեմբերի վերջ: