Քիչ առաջ խորհրդարանական ոչ իշխանական խմբակցությունները հանդիպել են ԱԺ նախագահ Գալուստ Սահակյանի հետ՝ պարզելու, թե արդյոք ինչու են կառավարության կողմից բերված անծանոթ օրինագծերը ընդգրկվել արտահերթ նիստի օրակարգում:

«Հետքի» հետ զրույցում «Ժառանգություն» խմբակցության ղեկավար Ռուբեն Հակոբյանն ասաց, որ Գալուստ Սահակյանի հետ հանդիպման ժամանակ իրենք ասել են՝ դիտավորություն են տեսնում նման հնչեղություն ունեցող նախագծերը արտահերթ նիստում ընդգրելու որոշման մեջ:

«Այս օրենքների մեծ մասը գոնե լուրջ քննարկման կարիք ունեն, դրանք պետք է քննարկվեին հանձնաժողովում: Եվ մտածել, որ քանի որ պատգամավորը խորքային ծանոթ չե դրանց ու կգա քվեարկի՝ դառնալով կառավարության նախագծերի դակող մարմին, ճիշտ չէ»,- նշեց նա: Մեր հարցին, թե Գալուստ Սահակյանը ի՞նչ բացատրություններ բերեց, ինչպե՞ս պատճառաբանեց, Ռ. Հակոբյանը փոխանցեց. «Ասաց, որ կառավարությունը անհրաժեշտ է համարում, ու ինքը չի կարող մերժել կառավարությանը»: