Աֆրիկյանների ակումբի շենքի պահպանման համար մղվող պայքարի ամենամարդաշատ օրն այսօր էր: Օբյեկտիվ պատճառներից մեկը աշխարհահռչակ դաշնակահար Տիգրան Համասյանի ելույթն էր շենքի բակում:

Համասյանի դաշնամուրային կատարմանը հաջորդեց քաղաքացիների իմպրովիզ «կատարումը» հարվածային գործիքներով:

Որպես թմբուկ ծառայում էին Աֆրիկյանների շենքը շրջապատող շինարարական պարիսպները: Ոստիկանությունը տևական ժամանակ չէր կարողանում պարիսպների մոտից հեռացնել իրենց բողոքի ձայնն այդ կերպ բարձրացնող քաղաքացիներին: