Երեկ` ժամը 19.19-ին, Հայաստանի  Հանրապետության տարածքում` Մասիս քաղաքից 7 կմ դեպի հարավ, տեղի է ունեցել 3.3 մագնիտուդով երկրաշարժ, որի ուժգնությունն էպիկենտրոնային գոտում կազմել է 4-5 բալ: Երկրաշարժի հիպոկենտրոնը գտնվում է 10 կմ խորության վրա:

Երկրաշարժը զգացվել է Հայաստանի Հանրապետության մի շարք բնակավայրերում, մասնավորապես Մասիս, Արտաշատ և Երևան քաղաքներում, Մխչյան, Դիմիտրով, Արաքսավան և Մասիս գյուղերում:

Զոհեր և ավերածություններ չկան: