![](/static/articles/56/37/l-f2AQOxFT83.jpg)
«Հրապարակ». բանդայի «ուղեղը»
Վերջերս ձերբակալված բանդայի պարագալուխ Արտյուշա Հակոբյանի հայրը՝ Սուրիկ Հակոբյանը («Գառնիի Սուրիկի լավաշի» տերը), երեկ հանդիպել է ՀՀ ոստիկանապետ Ալիկ Սարգսյանին: Հակոբյանը «Հրապարակի» թղթակցին հայտնել է, թե ինքն է խնդրել, որ հանդիպեն:
Նա ոստիկանապետին հարցրել է՝ ինչո՞ւ և ո՞վ է ուզում իր որդուն բանդայի պարագլուխ «սարքել», քանի որ «Գառնիի լավաշի» սեփականատերը պնդում է, որ իր երկու որդին էլ, որոնք ձերբակալվել են բանդայի գործով, անմեղ են:
«Ասեցի՝ բայց տղուս տնից մի բան գտե՞լ եք՝ չէ, ո՞վ ա ցուցմունք տվել իմ տղու մասին, որ ասում են՝ պարագլուխն է եղել: Ասենք, մեկը ճանաչու՞մ է նրան, տեսե՞լ ա, որ ինքն էնտեղ ա եղել, որ ուզում են պարագլուխ սարքել՝ չէ: Ըտենց խոսում էինք՝ էս կողմ, էն կողմ: Սարգսյանն ասեց՝ ոչ ոք չի ասում, բայց դե ինքն ուղեղն ա եղել, իրան չեն տեսել: Բայց ըտենց բան ո՞նց ա լինում,- զարմացած պատմել է Սուրիկ Հակոբյանը, նաև հավելել:- Ես էլ մի քիչ նեղացած էի, ասեցի՝ դուք ինչ ուզեք, մարդու վրա շառ կանեք, կծեծեք, կբռնեք-կտանեք»:
Լուսանկարը՝ Գագիկ Շամշյանի
Մեկնաբանություններ (1)
Մեկնաբանել